Au-Pair буюу Соёл солилцооны хөтөлбөр нь нэг жилийн хугацаанд Герман айлд хүүхэд харангаа амьдарч өөрийн Герман хэлний мэдлэгийг дээшлүүлж шинэ улс, шинэ соёл, амьдрах хэв маягтай танилцах хөтөлбөр юм.

1969 онд албан ёсоор баталсан энэ хөтөлбөрт зөвхөн  Герман улсад л гэхэд ойролцоогоор 10000 гаруй залуус дэлхийн өнцөг булан бүрээс хамрагддаг юм. Монгол улсад тус хөтөлбөр нь 1991 оноос хойш хэрэгжиж эхэлсэн бөгөөд манай байгууллага 2005 оноос хойш тухайн чиглэлээр үйл ажиллагаагаа явуулж 17 жилийн хугацаанд 5000 гаруй залуусаа хамруулаад байна.

Энэхүү хөтөлбөр нь 18-26 насны залуучуудад гадаад айлд хүүхэд харагчаар ажиллаж амьдран, хэлний мэдлэгээ дээшүүлэх болон хөтөлбөр хугацаа дуусахад өөрийн хүссэн чиглэлээр сайн дурын ажил,  тэтгэлэгт цалинтай мэргэжлийн боловсрол эзэмших , их сургуульд суралцах гэх зэрэг боломж олгодог давуу талтай.

Хөтөлбөрийн гол зорилго нь хоёр орны соёл солилцох замаар зочин айлын хүүхдийг харж, гэрийн ажилд нь тусалж яг л гэр бүлийн гишүүн шиг нь тухайн айлд амьдран хэл сурангаа өөрийгөө хөгжүүлж байгаад оршино.

Хөтөлбөрийн нийт зардал нь дунджаар   6,5 сая болдог бөгөөд үүнд зуучлалын төлбөр, шаардлагатай хэлний түвшинд хүргэх  хэлний курс болон чиг баримжаа олгох сургалт мөн 2 талын онгоцны тийз зэрэг багтдаг.

АЛБАН ЁСНЫ ВИЗТЭЙ

Гуравдагч орнуудаас ирэх Aupair нарын хувьд оршин суух зөвшөөрөл буюу виз шаардлагатай. Герман улсад Aupair-аар ажиллахаар явах гэж байгаа хүмүүс өөрийн орон дахь ХБНГУ-ыг төлөөлж буй байгууллага болох ЭСЯ болон консулын газарт виз хүсэх ёстой. Натуршутц Монгол байгууллага нь 18 жилийн турш залуусыг Culture Exchange Au-Pair хөтөлбөрөөр Европ руу явуулсан туршлагатай ба ОЛОН УЛСЫН AU-PAIR ХОЛБОО-ны International Au Pair Assiocation-IAPA итгэмжлэгдсэн гишүүнээр 12 жил ажиллаж байна.

Бүх “Au-pair”  чөлөөт цагаараа герман хэлний курс болон соёл, оюун ухааны чадвар хөгжүүлэх сургалтанд хамрагдах боломжтой. 

• Нэг жилд 840 Евроны дэмжлэг хэлний курсын төлбөрт үзүүлнэ. 

Aupair-н ажил бол мөнгө олдог ажил биш, харин амьдралын гайхалтай туршлага хуримтлуулах боломж бүхий хөдөлмөр эрхлэх үйл ажиллагаа юм.

• Хариуцлагатай, хүүхдэд хайртай, тэдэнтэй хамт цагийг өнгөрөөх сонирхолтой байх
• Гэрийн ойр зуурын ажилд тусалж, гэр бүлийн өдөр тутмын амьдралд оролцох
• Эрүүл мэндийн байдал сайн байх, хүүхдүүдтэй ажиллахад саад болохгүй байх
• Хэрэв та Европын Холбооны гишүүн орны иргэн биш бол виз хүсэх шаардлагатай
• 18-26 насны, дор хаяж герман хэлний A2 төвшиний мэдлэгтэй, хүүхэдгүй байх ёстой.

Aupair- аар нэг жил ажиллана. Үргэлжлүүлэн өөр хөтөлбөрөөр визээ 1-3 жилээр сунгах боломжтой.

• Гэр ахуй ойр зуурын ажилд туслах болон хүүхэд харах (үндсэндээ өдөрт дээд тал нь 6, долоо хоногт 30 цаг ажиллана.)
• Долоо хоногт хамгийн багадаа нэг өдөр чөлөөтэй буюу ажлын бус өдөр гаргах
• Хэлний курс, соёлын арга хэмжээ, экскурсэд оролцох цаг гаргах, чөлөө олгох
• Герман хэлний курсийн төлбөрт зориулж хүлээн авагч гэр бүл сар бүр 70 евро буюу 12 сарын хугацаанд 840 евроны санхүүгийн туслалцаа үзүүлнэ
• Дөрвөн долоо хоногийн цалинтай амралт (Нэг жилээс бага хугацаагаар ажиллах бол: бүтэн сар тутамд ажлын хоёр өдөр),
• Эрүүл мэндийн, ослын даатгалыг хүлээн авагч гэр бүл хариуцна
• Гэр ахуйн ажлын хугацаанаас үл хамааран тодорхой хэмжээний халаасны мөнгө олгох (одоогийн байдлаар сард 280 евро),
• Хүлээн авагч гэр бүлийн зүгээс хоол хүнс, тохирсон амьдрах газар (үндсэндээ зочин гэр бүлийн гэрт өөрийн гэсэн өрөөтэй байх)-аар хангана
• Хоёр талын эрх, үүргийн талаар бичгийн хэлбэрээр гэрээ байгуулна

Байр, хоолны зардал, даатгалыг хүлээн авагч гэр бүл хариуцна. Au-pair тухайн гэр бүлийн байранд өөрийн гэсэн тусдаа өрөөтэй байна. Өрөө нь тавилга эд хогшилтой байна.

Aupair-аар ажиллахын зорилго нь хэлний болон тухайн оронтой илүү сайн танилцсанаар ерөнхий мэдлэгээ дээшлүүлэхэд оршино.

Иймд Aupair нь хөдөлмөрийн хөлс бус, харин халаасны мөнгө авна. Халаасны  мөнгө нь тухайн ажлын үргэжлэх хугацаанаас үл хамааран сарын 280 евро байна. Нэг жилд 3360 Евро буюу ойролцоогоор 11 сая гаруй төгрөг.

Халаасны мөнгө бол чиний хувийн хэрэглээний зардалд зориулсан мөнгө тул чөлөөт цаг болон зарим шаардлагатай зүйлдээ зарцуулаарай:

•  Хэлний курс
•  Амралт, зугаалга
•  Үзвэрийн билет
•  Унааны зардал
•  Косметик
•  Хувцас
•  Гар утас
•  Аялал г.м.

Au-pair бүр эрүүл мэнд, гэнэтийн ослын даатгалд хамрагдсан байдаг.

Энэхүү даатгалыг хүлээн авагч гэр бүл хийлгэдэг бөгөөд нэг жилийн хугацаанд төлбөрийг бас төлдөг.

Даатгалын жилийн төлбөр ойролцоогоор 516 Евро болдог.

Эрүүл мэндийн зарим үйлчилгээг даатгал хариуцахгүй! 

Жишээ нь: шүд ломбодох, шүдний гажиг засах аппарат чангалах гэх мэт. 

Монгол улсдаа байхдаа эрүүл мэндийн бүрэн шинжилгээнд хамрагдсан байх шаардлагатай. 

Чөлөөт цаг: Au-pair нь 7 хоногт 1 бүтэн 1 хагас өдөр амардаг. Голдуу амралтын өдрүүдэд амарна.Ээлжийн амралт: Au-pair нь бүтэн нэг жил тухайн айлдаа байгаа тохиолдолд 4 долоо хоногийн амралт авах эрхтэй бөгөөд энэ хугацаандаа сарын халаасны мөнгө авна. 

Эрэгтэй хүүхдүүд ч Герман улсад Aupair-аар ажиллах боломжтой. Эрэгтэй хүүхэдтэй гэр бүлүүд л түлхүү эрэгтэй Аупайр авах сонирхолтой байдаг. Хүүхдийнх найз, Том ах байж тэдэнтэй Хөл бөмбөг тоглож, Дугуй унаж, хамтдаа усан сэлэхээр явах жишээтэй.   

Хүүхэд асрагч (Au-Pair)-аар ажиллах виз мэдүүлэх

Бүрдүүлэх бичиг баримт: Визийн мэдүүлэгт өгөх бичиг баримтуудыг эх хувиас гадна 2 хувь хуулбарын хамт өгнө. Визийн мэдүүлгийг шийдвэрлэсний дараа бичиг баримтын эх хувийг буцаан олгоно. Англиас бусад хэл дээрх бичиг баримтыг герман орчуулгын хамт өгнө.

Бичиг баримтаа доорх дарааллаар эрэмбэлнэ үү:

1. Бүрэн гүйцэд бөглөсөн, виз мэдүүлэгч гарын үсгээ зурсан үндэсний визийн маягт ("VIDEX" маягт)
2. Биометрийн шаардлага хангасан 35*45 мм хэмжээтэй 2 хувь цээж зурагны нэгийг үндэсний визийн маягтын цээж зураг байрлах хэсэгт нааж хоёр дахь зургийг нь наалгүй авч ирнэ.
3. Хүчинтэй паспорт 4. Визийн хураамж 75 еврог монгол төгрөгөөр
4. Ямар зорилгоор хүүхэд асрагчаар ажиллах болсон тухай дэлгэрэнгүй тайлбар захидал (Motivationsschreiben).
5. Ажиллах гэж байгаа айлын урилга
6. Хүүхэд асрагчаар ажиллах гэрээний эх хувь (RAL магадлан итгэмжлэгдсэн жуучлагч бол хуулбар байхад хангалттай)
7. Ажиллах гэж байгаа айлын дэлгэрэнгүй мэдээлэл бүхий маягт (Au-Pair Fragebogen ). Энэхүү маягтыг ажиллах айл бөглөөд Хөдөлмөрийн товчоо (Bundesagentur für Arbeit) руу илгээнэ.
8. Герман хэлний мэдлэгийн сертификат – А1
9. Нийт хугацааг хамарсан эрүүл мэндийн даатгал.(Ажиллах гэж байгаа айл нь хариуцна) 

• САЙН ДУРЫН НИЙГМИЙН АЖИЛ (FSJ): д хамрагдсанаар сайн үйлс хийх, өөрийн бие даасан байдал, өөртөө итгэх итгэлээ бэхжүүлэх, мэргэжлийн чиг баримжаа олж авах, ирээдүйн зорилгоо тодорхой болгох, практик туршлага олж авах боломжтой. Нийгэм дэхь сайн дурын оролцоо нь Ausbildung суралцахаар өргөдөл гаргахад маш чухал ач холбогдолтой.   

• МЭРГЭЖЛИЙН СУРГАЛТ (AUSBILDUNG): Герман улсад онол, практик хосолсон 324 орчим мэргэжлийн сургалт - Ausbildung байдаг. Суралцаж эхэлсэн эхний өдрөөсөө л тэтгэлэгт цалин авч, 3 жилийн хугацаанд суралцан мэргэжлийн үнэмлэхтэй болж ажил мэргэжлийн зах зээлд гарч ажиллахад бэлтгэгдэж төгсөнө. 

• АВСТРИ УЛСАД AUPAIR-ААР АЖИЛЛАХ: Хэрэв та Австрийн их сургуульд суралцахаар төлөвлөсөн бол Австри улсад нэг жил Aupair-аар ажиллах нь хамгийн оновчтой шийдвэр байх болно. Их сургуулийн хэлний бэлтгэлийн дундаас дээш түвшинд суралцахад дөхөм болно.

• АВСТРИЙН КОЛЛЕЖ, ХУДАЛДААНИЙ АКАДЕМИД СУРАЛЦАХ: Австри улсын өвөрмөц сургалт бол хос хэлний сургалтын хөтөлбөр болох худалдааны академи, коллеж юм. Та дунд бүрэн дунд боловсролын гэрчилгээтэй бөгөөд ажил мэргэжлийн талбарт олон боломжийг танд нээж өгөх суурь сайтай эдийн засгийн боловсролыг дөрөвхөн улиралд эзэмших хүсэлтэй байгаа бол тань энэ сургалтын хөтөлбөр яг тохирно.